لما بنتفقع..

Posted: يوليو 1, 2009 in اسكتشات غير صالحة للقراءة

الساعة 12 بليل والمروحة بايظة … والتكييف مش راضي يشتغل والعرق مغرق جتت سعادتك والعماص ملحوس خلقتك وريحتك انتن من ريحة حيوان الظربان… تجرى ع الحمام وانت عمال تتخيل منظر الدش الساقع وحبات الميا المنعشة وهيا بتتنطور على وش سعادتك .. تجهز نفسك وهوب تفتح الحنفية …

الميا قاطعة عااااااااااااااااااااااااااااااااااااااااااااا

اما تبقي فرحان وسعيد ورايح الكلية وكلك نشاط وحيوية .. وتوصل للمدرج وكلك أمل وحب ف العلم وتقابل واحد صاحبك وتسلم عليه .. وهوب يروح ضربك ألشه مميته .. تاخدها على صدرك زى الراجل اللى سحب تربة حشيش على نفس واحد وتقضي بقيت اليوم مدروخ ودماغك بتاكلك …

تجرى على حمام الكلية …نفسك تغسل وشك .. تفتح الحنفية الميا قاطعة عاااااااااااااااااااااااااااااااااااااااااااا

لما تبقي واقف ف الاوتوبيس وقرفان وطافح الكوت والعرق مغرق هدومك وريحة اللى جنبك هتخلص عليك واللى وراك فاكرها عربية ابوه ونايم على كتفك.. ويجى واحد يدوس على رجلك ويمشى بقرف من غير ما يقولك اسف ولا حتى يبصلك

عااااااااااااااااااااااااااااااااااااااااااااا

لما تبقي مزنوق ووراك حاجات كتيرة والدنيا حر وعمال تشرب ف ميا وعاوز تنجز اللى وراك بسرعة مافيش وقت .. وينادى عليك نداء الطبيعة .. ولان دماغك زى الجزمة القديمة …تحلف انك لازم تخلص اللى معاك الاول .. لحد ما خلاص هتوصل للمرحلة اللا ارادية و….

تجرى ع الحمام خلاص الفرج جه وهوب… الميا قاطعة عااااااااااااااااااااااااااااااااااااااااااااا


اما يبقي وراك حاجة و محتاج النت ضرورى .. جرى ع الجهاز .. تلاقي الهرد مش راضي يقوم .. تفتح الهارد التانى .. تلاقي الويندوز واقع . تجرى على سايبر .. تلاقي الكهربا قاطعة .. تروح سايبر غيره .. اخيييرا.. عملت اللى انت عاوزه .. معكش الفلاشة … تقعد تبص ع الكيسة .. يجييى الراجل من وراك ..

بدور على حاجة يا كابتن ..

الا مفيش هنا سي دى روم ؟؟ سي دى روم عارفه ده ؟؟

لا والله ياكابتن متلاقيش ..

عاااااااااااااااااااااااااااااااااااا

عارف الاحساس ده ؟؟ احساس انك فقري ؟ احساس ان الفقر راكبك من ساسك لراسك !! عارف اما تحس ان المصايب كلها مش لاقيه غيرك ؟؟ عارف اما تحس ان مرارتك خلاص بتجيب جاز ؟؟ عارف اما تحس ان حد ماسك دبوس وعمال يفرقع مرارتك ؟؟؟ اما تحس ان عنيك بتلف زى البندول المتكحرط ف ابزين ساعة قديمة من ايام الخديوى كركوك ..عارف الاحساس ده ؟؟اما تكون قرفان من كل اللى حواليك بما فيهم نفس سعادتك واما تكون درجة حرارة غليان اعصابك اعلى من درجة حرارة انصهار التيتانيوم ؟؟

ساعتها مافيش غير حل من اتنين … مافيش غيرهم … بس قبل ما تعمل حاجة منهم تعالو نرجع داخل اجسامنا ..ونبص بسرعة على اللحظات او اجزاء الثانية اللى بين لحظة حدوث الفقعة وبين حدوث رد فعلك

بعد ما سيدتك تسمع الالشة او يحصل الموقف الفقيع .. طبلة ودنك بترن زى جهاز الانذار اللى قفش حرامى سلبوته ف ميدان عام بيحاول يستخبى … بعديها يروح الانذار ده على نفوخك عدل … شايف اللى هناك ده ؟؟ايوة ده .. ده حضرتك الجزء المسؤل عن الذكاء .. تقريبا مش باين ..اما اللى هناك ده بقي .. الجبل الكبير ده .. ده فايرس الطعمية.. اما المنطقة اللى احنا داخلين عليها دى .. فدى منطقة اللاوعى … وفيها بيقضى المصرى معظم وقته ..

خلاص وصلنا للمخ .. يبدأ المخ يستلم الاشارة اللى جاية من الودن ويشحنها بباور محترم عشان يتبعت للقلب

..شايف بقي العصافير اللى هناك دى ؟؟

ايووون .. دى بقي العصافير اللى بتبيض فى دماغ ساعتك اول ما بتسمع ألشة فقيعة ..بالصفار طبعا ..

تنطلق الاشارة من المخ محملة بباور كافي لحرق مدينة كاملة وطبعا ماننساش صفار البيض بتاع العصافير ..

يبدأ قلبك يدق بشرااااهة .. كأنك كنت ف سباق االالف متر .. يبعت الدم الفاسد ده لوشك .. فيبدأ وشك يحمر ويبقى احمر من …..احم راس القرد .

اما بقيت الدم بقي فبينزل تحت … شايف بقي المستودع الكبييير ده ؟؟؟ ايووووة هو ده .. دى بقي المرارة حضرتك ..وفيها بيتجمع كل البيض الفاسد مع الدم .. لحد ما تتملى وتتملى و … طبعا عارفين , تتفقع !! وده التطور الطبيعى لأى حاجة بتتملى !!

كده انت وصلت لذروة الانفعال .. ماقدامكش غير حل من اتنين .. تفرغ الشحنة دى ف ايدك ورجل .. واقرب واحد واقف جنبك .. طااااااااااااااااااااااااااااااااااااااااااااااااخ .. هتستريح اويييييييييييييييييييييييي.. مش مهم اللى يحصل بعد كده .. المهم تسمع صوت الطااااخ دى وتحس بقفاه بيلعب ف ايدك كده …

الحل التانى بقي .. انك تكتم الدم الفاسد ده وتسيب مرارتك تتفقع .. ساعتها الدم هيرجع تانى لنافوخك .. ومش هيبقي عندك حل غير ده .. ايوة ده .. اللى هناك ده المنور .. ايووووة العامود الحديد ده .. بالظبط كده .. طاااااااااااااااااخ .. هتستريح اوى بردوا .. خصوصا مع منظر الدم اللى هينزل …

عامة القرار يرجعلك .. انا خدت قرارى خلاص .. اشوف وشكوا بخييير .

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s