براغيث براغيث… يا مغيث يامغيث …, ماتخدش فى بالك 2..

Posted: مايو 3, 2009 in اسكتشات غير صالحة للقراءة

السلام عليكم…
مش عارف لييه كل ما تيجى سيرة الغباء افتكر

البراغيث

.. عندى احساس دفين جوا اعماق عقلي ان البراغيث اغبى شئ ممكن يتواجد على سطح الارض ..

اسف لا تحاول اقناعى بغير ذلك …. المهم يعنى .. اكيد انا لم افتح هذا الموضوع للتامل فى جمال البراغيث مثلا .. ولا اكنش ناوى اسرد عشرين طريقة لطرد البراغيث خارج بطانية سيادتك.. ده شئ يتعلق بالنظافة الشخصية.. ماليش دخل فى المسائل العائلية دى …

احم .. المهم عشان ماطولش يعنى ولان اكيد كل اللى بيقرا الموضوع دلوقت عمال

يهرش

.. فاختصارا للوقت وحفاظا على جلد حضراتكوا من البراغيث, هادخل فى الموضوع على طول بدون مقدمات…

النهاردة حصل حتة موقف

.. هابقي احكيه فى ا لاخر عشان الدنيا حر اصلا ومش ناقصة رخامتى ع المسا كده …

ندخل فى الموضوع بقي.. نبدأ الاول بسبب التسمية .. انا ليه سميت الموضوع كده ؟؟؟

الاجابة بسيطة ..

وانت مالك ياجدع

.. ناس حشرية بصحيح ..

لا بجد … انا حاسس بملل فظيع.. ملل يتخلل فى جميع اعضاء جسمى.. ملل بشع يكاد يكون املُ (تخيل ان اللى حرف اللام دى شده عشان مابعرفش اكتبها) من الملل نفسه…

طبعا انا مش عامل الموضوع ده عشان تسلونى ولا عاوز حد يزغزنى مثلا (مش عارف ايه علاقة الزغزغة بالملل .. بس اكيد فيه علاقة يعنى )

انا عامل الموضوع ده عشان الناس اللى زهقانه زى حالاتى كده ومش عارفين يعملوا..

فانطلاقا من مبدأ ..

اقتل الملل قبل ان يقتلك

( لسه مألفه حالا )

هنحط حبة حاجات كده عشان اللى زهقان يعملها فيقوم الملل يزهق منه ويحلف عليه بالطلاق ماهو راجعله..

نبدأ على بركة الله …

تنبيه بسيط بس .

. لو مش حاسس بملل بلاش تكمل احسن .. انت شايف الموضوع شكله عامل ازاى .. اللى حاى مش هايكون افضل من اللى فات يعنى ..

احم .. ممكن نتنيل على عيننا ونبدأ بقي .. جبتولى ملل بصراحة …

حاجة اخيرة بردوا …

ثق تماما انك اول ماتخلص قراية الموضوع ده .. لو

طبقت اللى فيه بشكل مظبوط

.. اوعدك هتبقي زى العفريت .. ولا اجدع ملل يحوق فيك بعد كده… وهتمشي فى الظلمة ولا تخااااف .. والبنات هيجروا وراك جرى القملة فى راس الاقرع… احم انا بقول ندخل ع الموضوع احسن..

نمرت واحد ( بتخنق اوى من الناس اللى بيقولوا كده .. نمرت واحد .. ماعلينا )

1- المصباح السحرى ….


( مدة التسلية المتوقعة 1-5 دقايق )
دور على لمبة .. واقعد بصلها كتييير .. بعد كده غمض عينك وفتحها بسرعة .. كتييير بقي وورا بعض .. هتلاقي نفسك بتشوف حاجات غريبه .. بعد كده غمضها اويييييييييييي لحد ما تحس انك هتتعمى …

2- بطارييييييييق….
( مدة التسلية المتوقعة 1-5 دقايق )
حاول لمدة 5 دقايق انك ما تفكرش فى بطريق …. ركزززززز جااامد .. اوعى تفكر فى البطاريق … عليا النعمة ما هتعرف biggrin.gif

3- اشتاتا اشتووووت….


( مدة التسلية المتوقعة 10-15 دقيقة )
اختار واحد ماشي.. وركز عليه اوى (واحد مش واحدة … مش عاوزين سفالة biggrin.gif ) المهم يعنى ركز .. حاول تأمره باستخدام قدرات عقلك الباطن الخارقه انه يعمل حاجة.. يجرى يقف يشترى حاجة …. الخ , لحد ما يعمل حاجة من اللى انت عمال تقولهم فى نافوخك … ساعتها طبعا ممكن تعتبر نفسك عندك الحاسة السادسة وتعيش فى دور الاهبل حبتين كده … المهم استمر فى الهبل ده ومتيأسش..

4- براغيييييث…


( مدة التسلية المتوقعة 1-5 دقايق )
اقعد اهرش كان عندك جرب … اهرش اهرش اهرش .. كل ما تهرش اكتر هتكتشف اماكن تانية فى جسمك كانت محتاجة هرش وانت مش حاسس بيها ..

5- مازنجر ……


( مدة التسلية المتوقعة 1-3 دقايق )
انزل الشارع واعمل نفسك روبوت.. واقعد اعمل حركات ميكانيكة بجمسك كده .. وطبعا ما تنساش تطلع حبة اصوات ززززززززز كريييييييييييييك دوم دوم بيك

6- قيمنى قيم …


( مدة التسلية المتوقعة 10-20 دقيقة )
اقعد قيم الناس اللى معديين من ادامك .. كل واحد يعدى من ادامك اديله رقم من عشرة مثلا وهكذا …

7- حاحا حاحا حاحا حاحا حاحا حاحا حاحا حاحا حاحا حاحا …


( مدة التسلية المتوقعة 1-3 دقايق )
اختار كلمة .. اي كلمة .. مش شرط حاحا يعنى .. واقعد كررها كتيييييييييييييييير كتيييييييييييييييييير كتييييييييييير لحد ما تتخنق والكلمة مايبقاش ليها طعم..

8-أى أى.. اوجع نفسك..


( مدة التسلية المتوقعة 1-3 دقايق )
ايه هو الوجع ؟؟؟ ولا حاجة .. مجرد اوهام عقليه … دور على حاجة بتوجعك واعملها.. دبوس دخله فى صباعك.. اقف على مسمار.. الخ..
وبعدين بعد فترة من الوجع هتكتشف ان الملل ارحم بكتييير

9-لسااانى…


( مدة التسلية المتوقعة 1-2 دقايق )
جرب تبلع لسانك… مش هاعلق كتيير .. ممكن …
بس حركة غبية اوى

10-عن عن عننننننننننننننننن…..


( مدة التسلية المتوقعة 1-5 دقايق )
اعمل نفسك عربية فى سباق .. واقعد طلع اصوات العربيات دى عننننننن طبعا كل ده وانت ماشي فى الطريق .ز وكل ما تقابل حد .. احود من جنبه واعمل صوت عربية بتفرمل …

خلاص كفاية كده .. اعتقد ان الملل راح biggrin.gif

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s