نياااهاااهاااهاا….ماتخدش فى بالك…

Posted: مايو 1, 2009 in اسكتشات غير صالحة للقراءة

السلام عليكم ورحمة الله …

امبارح بسبب الاخوة الاعداء اطال الله عمرهم …نيمونى الساعة تلاتة منهم للى كلت دراع جوزها ..

طبعا بسببهم هما بس… مش بسبب حد تانى ولا بسبب انى كنت قاعد ارغي معاهم …ماعرفتش اتنيل واروح مجموعة الكميا

اللى هيا كانت الساعة تمانية ونص الصبح ... قمت من السرير مدروخ ..وقعت ع الارض طفيت المنبه وكملت نوم

طبعا انا مش فاتح الموضوع ده عشان اشتم فيهم ولا حاجة .. ولا عشان اطلب محاضرة الكميا من حد ..هابقي افتح موضوع خاص بالمحاضرة عشان الموضوع ده ما يتفرعش بس ..وبالمرة هابقي اشتمهم فى موضوع الكميا

المهم …كملت نوم لحد الساعة حداشر كده …صحيت فطرت كالعادة ….الخ الروتين بتاع يوم الجمعة ده يعنى ..

المهم لقيتلك عفيفي بيتصل بيا .. ايه يابنى فينك ..قلتله فى البيت .. قالى ماجيتش ليه ؟؟؟ مش محتاجة ذكاء يعنى .. اكيد عشان فى البيت .. معلش بس هو بيحب يستذكى كده ساعات …قالي طب يللا البس وانزل عشان رايحين الكورس ..قلت طيب وقفلت السماعة على انى داخل انام حبة قبل الصلاة وهافكس للكورس …. عشان عندى سيشن اكسبلور الساعة اربعة .. والكورس بيخلص الساعة اربعة .. فكده هاتعب جامد اوى …. مش كفاية روحت المجموعة ….اه صحيح ده انا ماروحتش …عادى كانى روحت .. كان نيتى اروح بصراحة …

المهم عشان مانخرجش بره الموضوع ….قررت انى البس واروح الكورس واتخلى عن الساعة دى
لبست ونزلت جرى … طبعا مش هالحق اركب ميكروباص .. فقررت قرار انتحارى .. انى هاخد تاكسي ..دفعت دم قلبي فيه طبعا ولسه بدعى ع الراجل لحد دلوقت …

عشان ننجز بس .. هافوت الحتة بتاعت الكورس دى وادخل على سيشن ااكسبلور على طول .. احنا لسه فى اول اليوم .. كده مش هانلحق …

المهم يعنى هابدأ من سيشن اكسبلور عشان عاوز ادخل فى الموضوع …. طبعا انا مش فاتح الموضوع عشان اكسبلور … اكسبلور هابقي افتحلها موضوع تانى لوحدها عشان ماخرجش بره الاطار العام للموضوع

بصراحة بقي … انا مش عارف انا فاتح الموضوع ده ليه …كنت مخنوق قلت افتحه

نرجع لاكسبلور تانى … اه صحييييح .. ده انا عندى كويز رياضة بكرة ولسه مافتحتش فسوايا.. يالهوى!!!!

وبكرة عندى كورس ومجموعة !!!

يعنى هيطلع عينى !!!!

ومش هالحق الم حاجة !!!

ماعلينا وانتوا مالكو اصلا هو انتوا اللى هتمتحنوا ولا انا !!! ناس غريبة ..

المهم نرجع لموضوعنا…

هههههههههههههههههههههههههههههههههههههههههههههههههههههه
ههههههههههههههههههههههههههههههه

مش قادر بجد …ههههههههههههههههههههههههههههههههههههههههههههههه

افتكرت حتة موقف .ههههههههههههههههه

نكمل طيب….بعد ماوصلت الكلية ..ثانية ثانية…فى حتة نسيت احكيها قبل ماوصل الكلية

اولا يعنى عشان مابقاش نسيت حد.. الواد عفيفي عليه خمسة جنية …

الحتة بقي اللى نسيتها قبل ماوصل الكلية … اتصلت بالواد زيما عشان اسئلة رايح السيشن ولا لأ… وطلع رايح طبعا وانا مخنوق بغباء عشان ضيع دقيقتين ع الفاضي

المهم وصل الكلية بقي .. والمفروض احضر السيشن …استنييييييي .. مش هاسيبك كده بسهولة .. فى حتة لسه قبل ماحضر السيشن..

شربت بيبسي مع الواد زيما .. وقبل مانشرب بيبسي بقي .. الواد زيما وقع كوباية النسكافيه لهيستا …ماقولكوش بقي ع الل هيستا عمله … معلش ياهيستا ربنا يعوض عليك فى كوباية النسكافيه

ايه اللى انا بحكيه ده … انا زهقت بصراحة .. صدعتنونى ..

هاتكلم فى موضوع تانى خاالص مالوش علاقة باللى انا كنت بحكيه …هنفرض مثلا فرض جدلى .. ان اى حاجة حصلت .. وحصلت لحد معين والحد ده مايعرفش ان الحاجة المعينة حصلتله هو بالذات وهنفترض بردوا فى نفس الوقت ده ان الحاجة دى حصلت لواحد تانى خاالص مالوش اى علاقه بالواحد الاولانى ده

ههههههههههههههههههههههههههههههههههههههههههه

ولا حاجة افتكرت موقف تانى ضحكنى ..

المهم يعنى ...الواحد التانى ده اللى هو غير الاولانى عرف ان الحاجة دى حصلتله ..دلوقت بقي السؤال اللولبي الخطير المرعب اللى بيطرح نفسه …

هيا البيضة جت الاول ولا الفرخة ؟؟؟

بص .. ماتتعبش نفسك لأن انا مش عارف اصلا

فبالتالى استحالة ده يكون دليل على ان الانسان كان اصله كتكوت…

ولا ان الديناصورات انقرضت بسبب انفلونزا الفراخ

اول امبارح كنت مع الواد صلاح ومحمود ..

ولا اقولك استنى هاحكى على حاجة تانية خاالص …

ثانية كده قبل ماحكى .. حاجة جت على دماغي ..

هو ليه كل مادخل اصلي فى جامع اقف تحت المروحة البايظة !!!!!!!

افففف بجد … الموضوع ده بيحصل معايا فى كل صلاة فى كل مسجد ..حتى المساجد المكيفة …بيحطوا تكييفات فى كل السجد ويسيبوا الحتة اللى هاصلي فيها… ويوم ما بقف تحت مروحة .. الاقي عم عز ربنا يكرمه يدخل متأخر ويقوم طافي المروحة ويجي يقف جنبي …..حاجة تشل ياجدع !!!!

اما فى الشتا بقي …. مابلاقيش مكان غير جنب الشباك المفتوح ..بنشف من البرد

انا زهقت … كفاية كده عاوز انام ….

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s